Kreda Jezús Loos Nian

Kreda Jezús Loloos Nian ne'e kreda independente ida ne'ebé mosu iha Pekín, iha Xina, iha 1917. Agora ne'e daudaun kreda ne'e iha membru maizumenus entre millaun 1,5 i millaun 2,5 ne'ebé namkari iha nasaun haatnulu-resin-lima, iha kontinente neen. Kreda ne'e hanesan ai-sanak husi Kristianizmu Pentekostál ne'ebé mosu iha Estadus Unidus bainhira sékulu XX foin hahú. Dezde 1967, sira harii sira-nia Asembleia Internasionál iha Los Angeles. Sira buka atu halekar evanjellu ba nasaun hotu-hotu molok Kristu Mai Ba Dala Rua. Doutrina no fiar prinsipál sanulu kreda ne'e nian maka ne'e:

1. Espíritu Santu
2. Sarani
3. Fase ain
4. Komuñaun Lulik
5. Loron Sabbath
6. Jezús Kristu
7. Bíblia Sagrada
8. Salvasaun
9. Kreda
10. Julgamentu Ba Dala Ikus