Nicolau dos Reis Lobato

Husi Wikipédia, ensiklopédia livre
Monumentu Nicolau Lobato (Komoro Dili)

Nicolau dos Reis Lobato (moris iha Soibada, Manatutu, 24 Maio 1946[1] – mate iha Mindelo, Manufahi, loron 31 fulan Dezembero 1978 nia sei iha tinan 26 ) hanesan politik nain no ukun nain nasional ba Timor-Leste. Nia hanesan hari’i no sai hanesan vice prezidente ba partidu ASDT, partidu ne’ebe la kleur fila a’an sai Fretilin. Depois Proklamasaun Independensia iha loron 28 fulan Novembero 1975 foti nia sai hanesan Primeiro Ministro Dahuluk ba Timor-Leste. Iha tinan 1977 nia sai hanesan Presidente Daruak ba Timor Leste. Nia mate iha kombate ho Tropa Indonézia (TNI) iha loron 31 fulan Dezembero 1978. Aeroportu Internasional Timor-Leste uza nia naran hodi respeita luta ne’ebe fo naran Aeroportu Internasional Presidente Nicolau Lobato.

Momentu Tropa Indonézia tama mai Timor-Leste, Nicolau Lobato hamutuk ho ukun nain Fretelin sira seluk,halai sae ba foho hodi funu kontra Tropa Indonézia. Iha tinan 1978, Lobato aserku husi (Kopassus) ne’ebe organiza husi Maijor Prabowo Subianto (ne’ebe sai hanesan mane foun ba Prezidente Soeharto). Nia mate depois tiru iha nia kabun, no nia mate isin lori ba Dili. Nicolau dos Reis Lobato foti hanesan luta nain nasional Timor-Leste.

Familia[edita]

Nicolau dos Reis Lobato hanesan maun-alin husi Rogeiro Tiago Lobato, Prezidente Partidu Fretilin ne’ebe dahuluk. Nicolau Lobato kaben ho Isabel Barreto no hetan oan mane ida ne’ebe naran José Maria Barreto Lobato Gonçalves.

Ligasaun ba li'ur[edita]

Commonscommons:Main Page
Commons
Commons: Nicolau dos Reis Lobato – Imajen sira


Referensia[edita]

  1. Timor-Leste/ Biografia do Presidente Nicolau dos Reis Lobato