Fabiano José Costa Flora

Husi Wikipédia, ensiklopédia livre

Fabiano José Costa Flora (* 29 Maiu 1985, iha Viseu, Portugal) nu'udar treinador futebol husi Portugal. Komesa iha tinan 2019 sai nu'udar trenador futebol iha Ekipa Nasional Timor-Leste.[1]

Karreira[edita]

Fabiano hahu'u nia karreira nu'udar treinador komesa iha tinan 2009 hamutuk ho equipa SS Lazio. Iha tinan 2013, Fabiano muda ba ekipa Juventus Turin, tinan tu'ir-mai 2014 Fabiano nu'udar Co-Treinador iha Giuseppe Galderisi ba premeira divisaun iha premeira liga SC Olhanense, ba fulan lima ho jogus 16. Depois ida ne'e, fulan tuir mai Fabiano komesa iha Académica de Coimbra nu'udar Chief Scout durante tinan ida nia laran.[1]

Iha tinan 2015 Fabiano muda ba Myanmar nu'udar Co-Treinador ba Zayar Shwe Myay FC, hodi troka treinador Stefan Hansson iha fulan Desembru 2015, no lori ekipa tama to'o sextu lugar iha Liga Nacional Mianmar nian. Fabiano sai nu'udar treinador ba ekipa ne'e to'o Novembru 2016. Fulan Maiu to'to Outubru 2017, Fabiano sai nu'udar treinador ba Southern Myanmar FC.[1]

Tinan 2019 Fabiano sai nu'udar Treinador ba Boavista FC, iha primeira divisaun, mazumenus fulan tolu nia laran Fabiano asina kontratu, iha fulan Juňu hodi sai nu'udar Treinador ba Ekipa Nasiona Timor-Leste hodi troka treinador husi Japaun Norio Tsukitate. Fabiano nia presensa liu-liu hodi prepara Ekipa Nasionla Timor-Leste hodi partisipa masimu iha jogu Sudeste Asiátiku iha tinan ida ne'e nia rohan. Fabiano mos sei iha kontratu ho Boavista FC to'o season (musim) 2019 nia rohan, paralel.[2]

Referensia[edita]

  1. 1,0 1,1 1,2 Transfermarkt: "Fabiano Flora", asesu iha 11 Jullu 2019
  2. Visit East Timor: "Portuguese Coach to Lead Timor-Leste Team", asesu iha 11 Jullu 2019