Politika nasional juventude

Politika nasional juventude Juventude mak temi iha politika ida ne’e, refere ba joven sira ne'ebe ho idade hahu tinan 15 ate tinan 24 idade. Timor leste nu’udar pais ne’ebe hatun ona visaun atu sai nasaun ho rendimentu mediu altu iha tinan 2030 ,nudar nasaun ho maioria populasaun mak ho idade joven ne’ebe husi parte ida , bele sai potensia ba dezenvolvimentu nasaun no mos husi parte seluk bele sai impedimentu ba dezenvolvimentu pais rasik , tamba ne investimentu ba dezenvolvimentu iha area juventude sai prioridade no estratejiku ba estadu republika demokratika Timor leste. Juventude foun konsidera nu'udar manifesta ba realidade sosio kultura,ekonomia no politika joven Timor Leste nian ne’ebe muda husi tempu ba tempu. Juventude mk enquadramentu no visaun jeral ne’ebe fo orientasaun konaba desenvolvimentu juventude iha aspetu hotu – hotu no iha territoriu ida nia laran. Politika juventude nian ne’e buka atu hatan ba dezafiu no preokupasaun boot sira nebe joven mane no joven feto hasoru iha sira nia moris loroloron .ne’e mos nudar aktu politika ida hodi rekonese joven feto no joven mane nia partisipasaun iha luta ba ukun rasik annian. Politika nasional juventude ne’e rekonese joven feto no mane nu'udar rekursu transformasaun sosio-ekonomiku iha sosiedade. Joven feto no joven mane ninia nesesidade no interese mak sentru principal husi desenvolvimentu nasional ne’e duni politika juventude ida ne’e hatuur aliserse no mata dalan ba desenvolvimentu joven sira nian .