Uza-na'in:Cocoa anan

Hahu ho istoria moris bei-ala sira iha rai cucoa mak hanesan :

avo Hum-Meta moris ou sai husi tasi no hela metin iha ne'eba hodi kous oan mane ida naran Leki-Dasi-Mau Dasi,hamrik no la'o sai husi tasi mai foho,nia lori mos sasan uma lulik nin hanesan:

-Bandeira

-Tambor

Hodi mai to'o rai Targas hodi halo uma foho nian iha rai Targas.

Nia la hela metin iha rai Targas maibe nia fila fali mai Fatmautei hodi hasoru malu ho nia maun Bere-Leki ho Leki-Dasi sai husi Famtautei atu mai Railaco nia lori

ai-rin no du'ut lulik husi Fatmautei Ermera, liu husi rai Lalim-Lau/Timlau hodi foti rai restu hodi lori mai Railaco, liu husi Maudiu mai para iha rai Hatlela ne'ebe ikus mai naran Cucoa.

Tamba fatin ladun luan nia la'o buka fatin hodi kadi katana hodi lao nafatin ba iha rai Haet-Teil, nia diskansa, maibe la hela metin lao nafatin to'o rai naran Ergoa hodi fakar

nia we'e restu ne'ebe lori husi Fatmautei mai iha ne'eba, i nune'e we'e kedas iha fatin ne'eba mak Soriqueque Railaco-Craic to agora.

Maibe avo ne'e la'o nafatin ba oin hodi ba hela fali iha rai naran Railaco-Lau lori rai restu ne'ebe nia lori husi Lalimlau mai tau iha foho ne'e, foho ne'e nia hanaran

Railaco-Lau, to'o ohin loron. Nia hela iha ftin ne'e ho familia balun ne'ebe liurai oan mos.

Tamba nia matenek liu, nia bosok nia maluk sira seluk hodi hakoi tiha sira nia sasan, husik deit mak bandeira rin. Tamba fatin ne'e ladun luan ou ladiak mak nia hamrik hodi la'o ba nafatin, hodi ba hela iha Railaco-Leten mai liu husi Dles-lau i kona mos rai Foetali hodi ba para iha rai Bili-Alsia ka rai Railaco-Leten hodi halo uma Lulik husi ai-rin no du'ut ne'ebe lori husi Fatmautei hodi hanaran uma lisan Mau-Laku, iha Postu Railako.

Leki-Dasi-Mau-Dasi Kous nia Mane ida naran Bere-Mau iha Darema Railaco-Leten, hodi fila fali mai Railaco-Craic, liu-liu iha rai Maauleru-Pun,Bere-Mau ho nia maun alin nain ruaa, liurai Mau-Duan ho liurai Clementino, sira nain rua haruka ema ba tesi au atu halo uma.

Sira tesi au, au tohar sira rona kakuk lian,hafoin ema sira ne'ebe tesi au fila fali hodi fo hatene ba liurai nain rua, katak ami tesi au maibe kakuk lian, ne'e sai oinsa ?

Entaun liurai sira hateten ba ema sira ne'e, keta tauk, kakuk lian atu fo hatene mai ita katak tenki troka rai nia naran,Mauleru-Pun ba fali naran foun mak Cucoa.

Liafuan Cucoa mai husi lia fuan rua :"Kuk ho Goa", Kuk katak "kakuk", Goa katak "koak", ho lian tetum katak "Kakuk nia Koak".