Uza-na'in:Zhetey
Introdusaun
[edita]Agradese wa'in ba Aman Maromak, tamba nia espiritu i'is moris nian, bele oferese biban mai hau hodi bele prezensa iha mundo ida ne'e. Hau nia naran Eligino Da Costa, kulturamente bolu zhetey, nasionalidade Timorense, husi munisipiu Lautem, posto administrativu Lospalos, suku Bauro no Aldeia bauro. hau moris iha loron 1 fulan dezembru tinan 1995. hau oan husi Bernardino Da Conceicăo no Isaurina Da Costa Marques. neste momentu hau kontinua hau nia estudu iha universidade da paz (UNPAZ) fakuldade ciensia sosiais humaniora (CSH) departamentu Relasaun Internasional.
Edukasaun
[edita]Prosesu hau nia estudu,komesa iha tinan 2004 hau eskola primaria iha eskola katolika dom bosco fuiloro no remata iha 2010, iha tinan 201 kontinua eskola pre-sekundaria iha eskola catolika dom bosco fuiloro no remata iha 2013,depois de remata 2014 hau kontinua hau nia eskola sekundaria iha eskola sekundaria geral 4 de setembro Dili no finaliza iha 2016.
Neste momentu hau eskola iha Universidade da Paz (UNPAZ), fakuldade Ciensia Sosiais Humaniora (CSH), departamentu Relasaun Internasional.
Esperensia
[edita]Orgulhu ho oportunidade brilliante ne'ebe atan hau hakna'ar iha 2017, tamba hetan lezitimidade husi juventude ser hanesan delegado iha Cruz vermelha Timor-Leste (CVTL) filial Lautem. i aumesmu tempu hodi organiza no mobiliza juventude hodi kuda espiritu voluntarismu, hodi kontribui ho asaun umanitariu no voluntariadu ba iha komunidade. alein de ne'e mos organiza juventude CVTL hodi tuir interkambiu internasional iha Oe-cusse.
iha 2019 hetan tan oportunidade furak hodi marka tan pasu sai hanesan staff ba programa (program staff) iha Organizasaun Humanitario Cruz Vermelha Timor-Leste (CVTL) filial Lautem/Lospalos. alein de ne'e sai mos hanesan treinador ba primeiru sokorru hodi kapasita joven hodi eleva joven nia konesimentu hodi responde no fo assistensia ba vitima ne'ebe hetan asidente trafiku no dezastre naturais.
Familia
[edita]Bernardino da Conceicao no Isaurina D. C. Marques mak sai aman no inan ba ami Oan nai hitu (7) ne'ebe eziste husi mane na'in tolu (3) no feto na'in ha'at (4). ami familia ida ne'ebe mais simples iha ami nia moris. Aman ne'ebe moris de'it iha agrikultura no inan ne'ebe mak moris servisu uma nian. maibe sempre hetan domin ne'ebe bo'ot husi hau aman no inan. iha loron, fulan no tinan ne'ebe lao ba dadaun, ho ezistensia umanu ne'ebe ho temporariu hamosu trizteza bo'ot husi ami nia familia tamba ami lakon ami nia aman ami nia heroi Bernardino da Conceicǎo iha loron 8 fulan augustu tinan 2019.
dadaun ne'e hau Inan faluk mak tau matan ba ami oan. inan ne'enbe nunka mais dehan "lae" ou "laiha" ba ami nia nessesidade.
Lian
[edita]lingua hanesan alternativu ida, iha ezistensia umanu hodi utiliza ba iha vida moris, hodi bele iha interaksaun ne'ebe efikaz iha sosiedade tantu nasaun. orgullu ho atan hau nia prezensa tamba hau bele hatene lian tolu (3) mak hanesan Portuges, ingles, indonesia exceto lian materna no ofisial. lian hirak ne'e sai hanesan valor ida mai atan hau hodi komunika estranjeiru ne'ebe mai husi nasaun oin-oin.