Cristo Rei (Estatua)

Cristo Rei hanesan Estatua ida ne'ebé mak lokaliza iha kapital husi nasaun Timor-Leste, Munisipiu Dili no Posto-Administrativu Cristo-Rei. Estatua Cristo-Rei Dili hanesan estatua Cristo boot daruak iha mundu, ne’ebe iha pozisaun primeiru okupa husi estatua Cristo Rio de Janeiro iha Brazil.

Estatua ne’e hanesan prezente ida husi eis-presidente Indonesia, Suharto, ba povu Timor oan sira.

Finaliza iha tinan 1996, Cristo Rei sai ona hanesan ikon turistika prinsipal iha Timor Leste. Estatua ne’e ho nia altura 27 metru (88,6 kaki) no mós bele hare hetan liu husi tasi ibun.

Alende ne’e, iha mos kapela ida no bola (mundu) boot ida iha estatua nia okos.

Karik bainhira ita hakarak atu hakbesik ba estatua, ita sei liu lai eskada maizumenus 500 eskada. Cristo Rei mos haleu ho paizajem ne’ebe mesak furak, bele mós hare tasi ibun no foho sira.

Cristo-Rei ne’e mós sai hanesan fatin ida ne’ebe ema lokal barak mak ba vizita, tamba fatin ne’ebe mak furak, akompanha ho anin fresku tamba besik ho tasi nune’e halo fatin ne’e sai furak liu tan, konfortavel no fresku ba visitantes sira ne’ebe mak hakarak atu ba vizita. Fatin refere mos laos hetan deit vizita husi ema lokal sira maibe hetan mos visita husi turistika sira husi rai-liur tamba Cristo-Rei hanesan fatin turismu ida ne’ebe famozu tebes iha Dili no mós iha fatin ne’eba turistika sira bele hare furak tasi Rai-henek mutin Timor nian no mos bele hare Estatua Cristo-Rei nian tamba estatua cristo-rei timor nian ne’e sai hanesan estatua cristo boot daruak iha mundu hafoin de estatua husi brasil nian. Fatin Cristo-Rei mos sai hanesan fatin ba reuniaun familia sira nian hodi bele halo programa ruma hanesan halo programa tinan nst. Tamba fasilita visitantes sira ho uma mahun ne’ebe mak oferese ba visitantes sira hodi bele halao sira nia programa refere.

Cristo-Rei iha tempo kalan furak tebes tamba ita bele simu anin nia malirin,dada is ho anin fresku ne'ebe ofesere husi Ai-horis iha foho ninin Cristu-Rei, rona laloran nia lian, hare fitun nia furak, halo ema barak gosta halo campin iha area cristo-Rei iha Tempo kalan.

Tasi ninia furak mos la lakon, no atrai tebes, halo ema barak gosta ba haris iha neba liu-liu iha loron feriadu.