Leovigildo da Costa Hornai

Husi Wikipédia, ensiklopédia livre
(Redirecionado de Leovigildo Hornay)
Hornai iha 2014

Leovigildo da Costa Hornai moris iha Lospalos, 11 de Marsu 1979, hanesan oan da hitu husi maun-alin sanulu-resin-rua, oan husi Bendito da Costa Hornai ho Jacinta da Costa Piedade. Leovigildo da Costa Hornai ho naran konhecido “Leo”. Hanesan eis Presidente Conselho Nasional da Juventude Timor Leste (CNJTL) ne'ebe iha periodu 2007-2015. Atual hanesan Secretario Estado Juventude Desportu (SEJD) nian iha VI Governu konstituisional (periodu 2015-2017).

Leo nia pai ne'ebe mak iha tempu portugues hanesan tropa no iha tempu Indonesia hanesan funcionariu bain-bain muda ba hela iha Liquica ne'ebe halo Leo ho nia maun-alin sira hela iha liquica.

Leo hahú eskola baziku iha municipiu Dili, depois muda ba municipiu Liquica to'o remata Leo nia estudu iha nivel secundariu, iha nivel sekundariu Leo komesa tuir formasaun kona-ba oinsa atu sai lider, iha ensinu sekundariu Leo sai hanesan Chefe (ketua) Osis, iha momentu ne'ebá Leo komesa hetan atensaun husi eskola sekundariu hetan oportunidade hodi ba tuir kompetisaun oin liu-liu kona ba lideranca nian iha Indonesia.

Leo tama iha Universidade Nasional Timor Leste no remata iha 2006 iha area Ciênsia Governamentais.