Timor Plaza

Timór Plaza ka baibain ema bolu TP hanesan fatin famozu ida iha Timór Lorosa'e ne’ebé ema sempre vizita loron loron, liu ba ita ne’ebe oin foun ka foin tun husi distritu mai, sira hakarak ba lalais timor plaza, balun tama mai dalaruma hakfodak tamba iha ambiente ne’ebe mak diferente tebes.

Timor Plaza hanesan fatin ou lojas kompras ida ne’e hari'i ona husi Dili Dezenvolvimentu L.d, ne’ebe mai husi Grupu Jape Empreza, especializada iha evolusaun propriedade ne'ebé boot ho kualidade aas ba arrendamentu retallu, rezidénsia no instalasaun eskritóriu iha Timór Lorosa'e.

Grupu Jape hari’i husi Sr. Jape Kong Su iha Darwin, Territóriu norte – ne'ebé iha 1976 no pertense husi família, ne'ebé nia hun iha Timór Lorosa'e. Husi susesu husi projetu propriedade komersiál iha sentru sidade Darwin nian, iha 1980's ba Grupu Jape benefisiu diak no progresu ba dezenvolvimentu Suku Dona Jape iha tinan 1989. Iha faze dahuluk nian iha Timor Plaza loke iha Outubru 2011.

Hanesan ita hotu hatene katak, Timor Plaza sai hanesan fatin ne’ebe famosu/koñesidu iha Timór Lorosa'e, no atrai ema barak atu ba vizita no halo paseio iha ne’eba, tamba timor plaza iha fatin ne’ebe mak furak no kapas no atria ema barak ho fatin oin-oin hanesan fatin fan sasan oin-oin, fatin han, fatin deskansa, fatin nonton, Loja husi Timor Telecom, Telkomcel no Telemor no seluk tan ne’ebé pretense ba iha Timor Plaza nia laran.

Iha ema balun dehan: “ita tama Timór plaza ita sente hanesan ita iha tiha lalehan” tamba sa? “Tamba ema barak lós no hare fatin mesak furak no diferente ho fatin sira seluk!” entaun lalehan ne’e ema barak ka? “…”

Iha timor plaza mos fatin ne’ebe dada labarik sira barak ba iha ne’eba, tamba iha aktividade ka iha games barak mak iha ne’eba, tamba nee iha labarik barak mak hakarak ba timor plaza atu halimar game sira ne’ebe prepara iha fatin ne’eba.

Iha fatin game nian mos labarik barak ne’ebé sai hanesan ha’u nia alin nia fatin favoritu ne’ebé sempre halo nia iha semangat atu mai Timór Plaza iha fim de semana. Iha brinkedu oioin, no wainhira atu halimar brinkedu hirak ne’e tenki hola koin.

Hanesan iha fim de semana, iha inan-aman barak mak hakarak lori nia oan sira ba halimar game iha timor plaza. Tamba iha ne’eba fatin neebe mak halo labarik sira kontenti hela deit, tamba hetan labarik barak neebe diferenti, halo sira konese malu diak liu tan.

Timor Plaza mos hanesan fatin ida ne’ebe furak tebes iha Capital Dili, Timor plaza sai hanesan fatin sentru ida ba komunidade iha Timór Lorosa'e atu halibur iha ne’eba hodi halo aktividade komersiu, I ita bele dehan mos fatin ida ne’ebe hodi halibur hamutuk estudante sira hodi aprende buat ruma hanesan agora dadaun ne'e. I iha Timor plaza mos iha apartamentu barak ne’e iha hodi fo ba ema estrangeiro sira hodi hela. I loro-loron iha timor plaza ita sempre hare ema barak mai visita tamba ita bele dehan Timor Plaza fatin ida nebe’e uniku liu iha Timór Lorosa'e. Hau kontenti tamba hau sempre mai visita Timor Plaza hodi assesu Internet hodi buka informasaun liu-liu ba area Teknologia. I hau kontenti tamba bele halibur estudante sira nebe estuda kona ba teknologia hodi halibur hamutuk hodi konese malu hodi kopleta malu kona ba buat foun nebe'e ita seidauk hatene iha area teknologia. Iha fatin ida ne’e hau hakarak fo liamenon deit ba ita juventude timor oan nebe'e eskola iha Kapital dili.