Turizmu munisipiu Bobonaro

MAROBO

Iha Distritu Bobonaro nia laran tomak, iha Sub-Distritu Maliana, Cailaco, Bobonaro, Balibo inklui iha Marobo, (no posivel sekarik estrada diak) iha potensial ba turizmu kultural ho la'o ain deit. Foho sira hotu iha rejiaun ida ne'e riku ho istoria no iha fatin importante barak hosi era hot-hotu hosi istoria rejiaun ida ne'e nian. Elementu sira ne'ebe falta atu introduz viajen nu'udar veikulu ida ba turizmu kultural iha Bobonaro mak, katak presiza mata-dalan lokal sira ne'ebe treinadu, presiza mos informasaun.

Fatin turizmu kultural ne'e identifika ona iha munisípiu Bobonaru ne'ebe potensialidade teb-tebes ho ninia historia ne'ebe iha, no atrai turista sira ba vizita mak.

Geografikamente marobo hatuur entre foho ilatlaun no leolaku nia leet. Domina ho foho no hadulas ho mota halo marobo susar ba rai-tetuk. Hafalun ho kalohan, udan no anin maus halo marobo fresku no malirin tebes. Marobo kompostu husi suku tolu hanesan atuaben, soilesu ho ilatlaun. Iha parte seluk bainhira temi marobo ema sempre kuinese liu marobo ho potensia natureza bee manas. Bee manas marobo fahe ba parte rua ida biabanas ka bee manas iha aldeia atu-egas parte weste no bee dois ka bee boroluli iha aldeia boroluli partensia ba parte leste husi marobo.

Tuir istoria bee manas no bee dois nee deskobre husi gerasaun uma lisan manepaat nian. Istoria oral mos haktuir, beiala sira deskobre bee manas ne'e liu husi asu maka hatudu ba sira. Ho ida ne'e to ohin loron, bainhira halo ritual ruma zerasaun husi manepaat sira sempre utiliza animal asu sai hanesan oferta ba lulik nian. Tan-deit fiar ida nune, feto sira husi lisan mane-epaat la han naan asu to ohin loron.Biabanas ka be'e manas iha aldeia atu-egas parte weste nee ho nia temperature entre graus 30 ba too 40 celsius no sai manas makas iha tempu lorokraik, dader no udan monurai maibe menus uitoan iha tempu meudia no bainhira bailoron naruk.Forma ho koor abu-abu no matak hanesan furak husi bee manas nian. Sulin sai husi rai-kuak naksulin hodi forma kadalak oan bara-barak molok naksulin hamutuk ba pixina. Pixina ida ne'e hari iha tempo kolonial portugues nian.

Pixina nee ho luan metro 6, naruk metro 3 ho nia klean metro 3.Bee manas nia iis hanesan manu-tolun daan no sai fenomena ona katak bainhira nia iis makas sinal katak udan besik mai ona.

Ho ida ne'e komunidade ne'ebe hela besik la susar atu halo predisaun no antisipa molok udan monu rai.