Uma Lisan Turabana Maurate

Uma Lisan Turanaba Maurate hanesan uman lisan ne'ebe lokaliza iha munisipio Baucau no posto - administrativu Kelikai iha suku Baguia. Liafuan Turabana ne'e jeral ba uma lulik ha'at hotu ne'ebe eziste iha uma lisan Turabana nee. Uma lulik sira ne'e mak hanesan tuir mai nee:

1. Uma Lulik Maurate
2. Uma Lulik Loira'e
3. Uma Lulik Silawa Oma Mata
4. Uma Lulik Silawa Oma Bere

Husi uma lulik sira nee nia emar sira pertense ba suku Baguia no aldeia mak Sara - Ida. Aleinde nee uma lulik sira ne'ebe haleu nee mesak suku Lakoliu nia emar deit. Uma lulik ha'at ninia ema sira hori uluk kedas servisu hamutuk bainhira hasoru susar ruma iha particularmente no tanto kulturalmente. Bainhira to'o iha tinan 1994 hamosu problema kona ba disputa rai entre uma lulik nia emar sira mak hanesan Uma Lulik Silawa Oma Mata no Uma Lulik Silawa Oma Bere i problema nee to'o ohin seidauk resolve tamba hotu - hotu egoismu.

Historia Uma lulik Maurate, Liafuan Maurate signifika oan mane boot hakarak hela hamutuk ho ninia Inan - Aman no lakoi hela ketak ho ninia Inan-Aman tamba nia iha sentimentu emosional tebes ba ninia inan - aman sira. Nune'e sira harii uma Lulik ne'e hanaran Maurate hanesan naran ba Uma Lulik Maurate nee. Hahu husi tempo ne'eba ninia jerasaun kontinua no hatutan malu to'o ohin loron.