Utilizador:Asosiasaun HAK Timor-Leste
HAK (Hukum, hak Asasi & Keadilan) ne’e hari’i iha loron 20 Agustu 1996 husi ativista Timórense no Indonézia lubuk oan ida. Inspirasaun ba hari’i organizasaun ne’e mosu husi experiensia momentu depois-de akontensimentu masakre “Santa Cruz 1991” ne’ebé iha momentu ne’ebá maluk ativista pro-independensia sira ne’ebé dadur hetan asistensia legal husi advogadu Indonézia sira (prosesu julgamentu iha Dili nomos Jakarta).
Ba dala-uluk, organizasaun ne’e hahu ho servisu asistensia legal ba prizoneirus politikus. Advogadu Timorense hamutuk ho AdvogaduIndenesia balu ho korajen defende direitu prizoneiru sira atu hetan julgamentu justu iha sistema judisial rejime Militar Indonesia. Tuir fali hahu habelar servisu iha area non-litigasaun mak hanesan asistensia umanitaria ba familia prizoneiru politikus sira.
Iha Fulan Jullu 1997, HAK inisia prosesu ba hari’i Organizasaun Fokupers (Forum Komunikasi Perempuan Timor Lorosae) ne’ebé fo atensaun ba direitu feto sira. Husi 1997 – 1999, Sekretariadu Ezekutivu Fokupers funsiona nudar divizaun ida husi Estrutura Ezekutivu HAK. Depois-de Indonesia sai husi Timor-Leste ka iha tinan 2000 mak Fokupers hambrik mesak no separadu tiha husi estrutura organizasaun HAK.
HAK nia Vizaun no Misaun :
Hamosu sosiedade Timór-Leste ne’ebé kritiku, independenti, aberta, dame iha estrutura sosiál e’ebé bázeia bá prinsípiu popular, respeitu bá direitus umanus no valores lokais hodi alkansa justisa sosiál ne’ebé realiza liu husi:
1. Defende vítima violasaun direitus umanus
2 Hakbi’it kapasidade komunidade liu husi transferensia matenek, dezemvolve povu nia ualidade oris, dezemvolve kuiñesementu lokál, no partisipa iha dezemvolvimentu
3. Kontrolu sosiál
Valór no Prinsípiu :
1. Umanitáriu ho prinsípiu naun-violénsia no naun-diskriminasaun
2. Igualidade ho prinsípiu preoridade ba rekursus lokál no prespetiva jéneru
3. Justisa, ho prinsípiu ba interese populár no sustentabilidade
4. Demokrasia ho prinsípiu solidaridade, transparansia, akuntabilidade,
partisipasaun, libertasaun no resposanbilidade.
