Regina Freitas

Husi Wikipédia, ensiklopédia livre
Saltar para a navegação Saltar para a pesquisa
Regina Freitas

Sra. Regina Freitas (* 15 Maio 1960, iha Ossu-Huna, Baukau, Timor-Leste). Nu'udar II Vise Sekretária atual Parlamentu Nasional Timor-Leste (2018-2023). Membru husi Bankada Partidu Libertasaun Popular (PLP).[1]

Karreira[edita]

Sra. Regina remata nia estudu iha tinan 1974, ho 4 (Quarta) Klase tempu portuguesa. Husi tinan 1975 to'o 1978 Sra. Regina nu'udar membru ativu FRETILIN no partisipa diretamente iha organisaun feto nian hanesan OPMT no mós organisaun joventude nian OPJT. 1979 to'o 1992 Sra. Regina partispa iha organisaun resistênsia nasional nu'udar Xefe Logístika hodi kontra okupasaun indonésiu. 1993 simu kargu nu'udar Vise Koordenadora Logístika iha regiaun III resistênsia nian. 1998 nu'udae Xefe Koordenadora Logístika ba Conselho Nacional de Resistência Timorense (CNRT). Okupasaun Indonésiu remata iha 1999.[1]

Iha 2003, Sra. Regina hari'i no mós nu'udar fundadora ba Eskola Heróis da Pátria, aumenta tan iha tinan 2006 Sra. Regina hari'i Pré-Eskola iha Aldeia Lacoto, Balibar. 2003 to'o 2005 nu'udar Xefe Resistênsia Presidensial ba Presidente Xanana Gusmão. 2007 nu'udar membru husi komisaun HIV/SIDA hodi halo divulgasaun informasaun konaba SIDA iha territoriu Timor laran tomak. Sra. Regina hari'i kompanha ho naran Dolaide Unipessoal, Lda iha tinan 2008. Durante tinan 2009 to'o 2012 nu'udar fundador ba "FRETILIN RESISTÊNSIA" hodi apoia Sr. Taur Matan Ruak ba kandidatura presidente no mós iha tempu ne'ebé hanesan nu'udar Diretora Finansial. 2015, Sra. Regina hamutuk ho militante "FRETILIN RESISTÊNSIA" tomak rekonha kartaun eletoral hodi bele apoio Partidu Libertasaun Popular (PLP) no iha tinan tu'ir mai 2016 Sra. Regina nu'udar repesentante feto iha kapital Dili ba Partidu Libertasaun Popular (PLP) no mós nu'udar Diretora ba Departementu Assistênsia Sosiais Saúde ba Câmara de Coméricio Indústria Timor Leste (CCI-TL).[1]

Iha Elisaun Parlamentar tinan 2017 Sra. Regina tama lista numero 54 iha Partidu Libertasaun Popular (PLP).[2] Elisaun Parlamentar tinan 2018, Sra. Regina tama lista numero 30 iha lista Aliança para Mudança e Progresso (AMP), hodi representa Partidu Libertasaun Popular (PLP) nafatin.[3] Iha Votu parlamentar Sra. Regina simu kargu nu'udar II Vise Sekretária Parlamentu Nasional Timor-Leste,[4] no mos membru husi Comissão de Economia e Desenvolvimento (Komisaun D).[1]


Ligasaun ba Li'ur[edita]

Commonscommons:Main Page
Commons: Regina Freitas – Imajen sira


Referensia[edita]

  1. 1,0 1,1 1,2 1,3 Parlamentu Nasional Timor-Leste:"Regina Freitas", asesu iha 10 Jullu 2019
  2. La'o Hamutuk: "2017 Timor-Leste Parliamentary Election – List of Parliamentary slates from all parties", asesu iha 10 Jullu 2019 (PDF)
  3. "Lista Deputados 2018-2023", (PDF)
  4. Tatoli: "FDD Apoiu AMP Iha Kompozisaun Meza FRETILIN-PD Wo", asesu iha 10 Jullu 2019